Qarax culus oo baqdin xoogan ku beeray shacabka ku dhaqan Magaaladda Baydhabo ayaa wuxuu goor dhaw uu ka dhacay Magaaladda Baydhabo, iyadoo dhinaca kalana ay jiraan khasaarooyin kala duwan oo ka dhashay.
Qaraxaan oo loo-adeegsaday miinada nooca dhulka lagu aaso ee meelaha fog fog laga haggo, ayaa wuxuu ka dhacay Suuqa Sarifka ee Magaaladda Baydhabo, isla-markaana qaraxa ayaa waxa lala eegtay goob ay ka ag-dhawaayeen Ciidamadda Dowladda.
Jugta qaraxa oo si weyn looga naxay ayaa waxay Ciidamadda Dowladda afarta jiho ay u fureyn rasaas aan loo-meel dayin, iyadoo ay adag tahay in faah faahin sax ah laga haggo khasaaraha dhabta ah ee qaraxaasi ka dhashay, bacdamaa uu goor dhaw uun dhacay.
Wararka ayaa waxay sheegayaan in ugu yaraan ay qaraxaan ku dhinteen laba ruux, iyadoo tiro kalana ay ka soo gaareyn dhaawacyo kala duwan, isla-markaana qaraxaan ayaa wuxuu dhaliyay in lagu kala cararo Suuqa Sarifka ee Magaaladda Baydhabo.
Wararka ayaa waxay intaasi ku darayaan in qaraxa kadib uu hakad gallay isu socodka dadka iyo gaadiidka, iyadoo ilaa iyo haataan uu hakad ku jiro isu socodka dadka iyo gaadiidka.
Wakiilka Shabakadda Warbaahinta ee Dhacdo.com ee Magaaladda Baydhabo, ayaa wuxuu ku soo waramayaa in xaaladda Magaaladda Baydhabo ay maanta tahay mid aad u kacsan, balse wixii warar ah ee ku soo kordha kala soco wararkayna dambe.
Nagala Soo Xiriir dhacdo@hotmail.com ama dhacdo@gmail.com
Nagala Soo Xiriir dhacdo@hotmail.com ama dhacdo@gmail.com
14,451,936 unique visits
